Zer da Forem?

FOREM Navarra CCOOren Prestakuntza eta Enplegu zentroa da eta SNEren zentro laguntzaile nagusia (Zentro Integrala).

Langileak trebatzea eta prestatzea erabakigarria da gure Komunitatea orain eta etorkizunean garatzeko. Ildo horretan, pertsonen garapen profesionala, kalitatezko enplegua, lehiakortasuna eta gizarte kohesioa ezinezkoak dira prestakuntzarik gabe.

Hori horrela, CCOOren Nafarroako Batasun Sindikalak arduraz jokatu eta FOREM sortu du, langileen prestakuntza eta enplegu beharrei kalitatezko erantzun eraginkorrak emateko. FOREM erakundearen bitartez, lanbide orientazioa eta prestakuntza bultzatu eta kudeatu nahi du CCOOk.

Hauek dira gure helburuak:

• Informazio, orientazio eta prestakuntza ekintzak bultzatzea, enplegua lortzerakoan eta oro har, pertsonen lan bizitza osoan.
• Lanean nahiz langabezian dauden langileen etengabeko prestakuntza eta trebakuntza beharrak aztertu, eta lan baldintzak hobetzen lagundu, etengabeko prestakuntzan parte hartuz.

Zer egiten dugu?

Gizarteak unean-unean dituen erronkei erantzuten die gure lan metodologiak, eta pertsonen trebakuntza profesionala hobetzea da gure ahaleginaren gunea.

FOREMek konpromisoa hartu du etengabeko kalitatearekin eta berrikuntzarekin, ezagutzak sortzen eta transmititzen ditu langileei garatzen laguntzeko, eta ondorioz, baita enpresa eta erakundeei ere.

Informazio eta Orientazio profesionaleko sistema integratu bat garatzeko lanean ari gara, lanean nahiz langabezian dauden langileei, ildo hauen inguruan aholkularitza emateko:

• Prestakuntza eta enplegu aukerak.
• Kualifikazioen sistema eta langileek beren gaitasun profesionalak aztertzeko eta egiaztatzeko dituzten aukerak.

Horrez gain, Iruñeko FOREM zentroan ludoteka zerbitzua dugu, gurasoei prestakuntza-ikastaroetan parte hartzen, informazioa jasotzen edo bestelakoetan laguntzeko.
 

Prestakuntza

Etengabe eguneratzen eta egokitzen diren hainbat prestakuntza ikastaro ditu FOREMek, lanean nahiz langabezian dauden langileentzat.

Prestakuntzaren bitartez etorkizun edo eragin estrategiko gehien duten kualifikazioetara gidatu behar ditugu gure langileak. Pertsonak eta pertsonen prestakuntza da garai zailei, krisiari eta aldaketei aurre egiteko faktore nagusietako bat.

Enplegua

Enplegu zerbitzuko jarduerak egituratzerakoan, erabiltzaile diren pertsonak/enpresak eta horien beharrak dira oinarri.

Hauek dira pertsonentzako jarduerak:

• Banakako orientazio profesionala: Banakako laguntza eta informazioa enplegua bilatzeko.
• On-line orientazio profesionala.
• Taldekako orientazioa: hitzaldiak eta tailerrak, FOREMen zentroetan nahiz bestelako erakunde, elkarte, ikastetxe eta zentroetan.
• Autoenplegua: Enpresa Proiektuen aholkularitza, tutoretza eta informazioa proiektuak garatzeko prozesu osoan.
• Enplegu Cluba: Ordenagailu eta Internet bidezko zerbitzua, liburutegia kontsultatzeko zerbitzua, prentsa eta aldizkari ofizialak, enpresen zerrendak eskuratzeko aukera. Teknikarien aholkularitza.

Antolatzaileak eta enpresak

FOREMek zerbitzu hauek eskaintzen dizkie erakunde eta enpresei:

• Enpresaren beharretara egokitutako prestakuntza ekintzak eta prestakuntza planak garatzeko laguntza.
• “Fundación Tripartita para la Formación en el Empleo” Fundazioaren diru-laguntzak eta dokumentuak kudeatzeko eta bideratzeko laguntza, lanbide heziketako kuoten bitartez. Prestakuntza eta enplegu eskaera espezifikoak biltzea.
• Kualifikazioen Sistema Nazionalari buruzko informazioa eta orientazioa.
• Enpresen azterketa: enpresen bisita antolatuak, haien interesei eta beharrei buruzko informazio praktiko eta erreala jasotzeko.
• Langileen hautaketa.